बाबा फौजा सिंघ कुदरत दा क्रिशमा सी। उह माता गिआन कौर दी कुख्खों ते रहिमो दाई दे हत्थों जंमिआ तां उहदे बचण दी बड़ी घट्ट आस सी। पर उह 114 साल 3 महीने 14 दिन जीविआ। नां सिरफ़ जीविआ बलकि गुरां दी दस्सी जीवन जाच, “हसंदिआं, खेलंदिआं, खवंदिआं, पैनंदिआं’ नाल मैराथन दौड़ां दौड़न दा कौतक वी वरता गिआ। इह वी कोई कौतक होवेगा कि बचपन दे पहिले पंज साल उह पंज कदम तुरन जोगा वी नहीं सी होइआ! इत्थों तक कि रिहड़न अते खहड़न वी बड़ी देर नाल लग्गा। छेवां साल लग्गण ’ते जदों उह तुरन जोगा होइआ तां घरदिआं नें पिंड विच्च कड़ाह वंडिआ।

उहदी मां खेत रोटी लै के जांदी तां उह वी नाल जाण दी ज़िद करदा। उह उंगल फड़ के तोरन दा चारा करदी तां फौजे दीआं लत्तां विच्च चीसां पैण लग्गदीआं। मां उहदीआं लत्तां ’ते पट्टीआं बंनहदी रहिंदी। जित्थे किसे रुख्ख दी छां हुंदी, उत्थे बहि के दम लैण लग्गदे। पंदरां साल दी उमर तक उह लगातार इक्क मील वी नां तुर सकिआ। अजिहे मुंडे नूं तां रिशता होणा वी मुशकिल सी किउंकि कुड़ीआं जंमदीआं मार दित्तीआं जांदीआं सन। किसानां दे मुंडे लवी उमर विच्च विआहे जांदे तां विआहे जांदे, नहीं छड़े रहि जांदे।

फौजा सिंघ दे पिता दा नां मिहर सिंघ सी। उह विचारा थुड़िआ टुट्टिआ किसान सी, जिसदा वड्डा परिवार सी। करज़े लाहुंदा, हल वाहुंदा, पाणी लाउंदा, पठ्ठे ढोंदा ते डंगर पालदा उह किस किस दा इलाज कराउंदा? मिहर सिंघ दी मिहर नालों उहदे पुत्तर फौजू तों बाबा फौजा सिंघ बणे मैराथन दे महांरथी उत्ते कुदरत दे कादर दी मिहर वधेरे रही।

फौजा हल वाहुण लग्गा तां उहदा पच्ची साल दी उमर विच्च विआह होइआ। बरात गड्डे उत्ते चहड़ के पिंड कालघटां गई। इक्क बलद उहनां दे घर दा सी दूजा उहदे मसेर दा। विआंदड़ होण करके ही उस नूं चाबी दे लठ्ठे वाले नवें कप्पड़े जुड़े सन। उह हल वाही कर के टब्बर पालण लग्गा। कदे फसल चंगी हो जांदी, कदे माड़ी, कदे मौसम दी करोपी नाल मारी जांदी। उहदे घर तिंन पुत्तरां ते तिंन धीआं नें जनम लिआ, जिनहां नूं उह पहड़ा लिखा तां नां सकिआ पर इक्क पुत्तर ते धी नूं इंगलैंड अते कैनेडा विआहुण विच्च कामयाब हो गिआ।

बचपन विच्च नां उह खेडण जोगा सी अते नां पहड़न जोगा। गभरू हो के उह फुट्टबाल नूं किक्कां मारन लग्ग पिआ। 1947 दे रौलिआं गौलिआं विच्च फुट्टबाल दीआं किक्कां वी भुल्ल गईआं। पहड़ाई लिखाई जां किसे हुनर वल्लों उह असलों कोरा सी। सिरफ़ आपणे दसख़त करने ही सिख्खिआ ते उह वी उरदू विच्च। इंगलैंड विच्च बुढापा पैनशन लैण वेले वी उह उरदू विच्च ही दसख़त करदा सी। ऐनक दी उहनूं कदे लोड़ नहीं सी पई। दंद दाहड़ां डंगसारू सन। कंनां नूं उच्चा सुणन लग्गा सी। बुल्ल्ह पतले, उतले दंद चौड़े ते हेठले बरीक सन। दंदां विच्च विरलां पै गईआं सन। दाहड़ी होर लंमी ते होर बग्गी हो गई सी।

बालक फौजू जीवन दे पहिले पंज साल बेशक पंज कदम वी नहीं सी तुर सकिआ पर पिछ्छों इंना तुरिआ, इंना दौड़िआ कि उमर दे 80विआं तों लै के 110विआं ताईं दौड़ दौड़ धरती घसा दित्ती! उहदीआं लंमीआं दौड़ां ते निरंतर तोरां दा कोई अंत नां रिहा। आख़र उहदा अंत 14 जुलाई 2025 नूं उहदे घर कोल ही सड़क हादसे विच्च होइआ।

1990 विच्च गभला पुत्तर कुलदीप सिंघ छत्त तों डिग के मुक्क गिआ। 1992 विच्च पतनी गिआन कौर गुज़र गई। उनहां दे वियोग विच्च उह कमला होइआ सिविआं विच्च बैठा रहिंदा। पिंड वाले सोचदे, हुण इह वी नहीं बचदा। उहदा वड्डा पुत्तर सुखविंदर सिंघ वलाइत विच्च सी। उसने बाप नूं मंगवाउण लई पासपोरट बणवाइआ, अटे सटे जनम तारीख 1 अपरैल 1911 लिखी गई ते दिल छड्डी बैठे उदासे बाप नूं इंगलैंड सद्द गिआ।

फौजा सिंघ दा वलाइत विच्च वी जीअ नां लग्गा। उह मुड़ पिंड परत आइआ। पिंड आ के फिर उही शुदाईआं वाला हाल होइआ। दुबारा इंगलैंड गिआ ते फिर पिंड नूं परत पिआ। तिंन गेड़े मार के उह इंगलैंड विच्च ही टिक गिआ। इंगलैंड विच्च टिकाइआ बठिंडे वल्ल दे इंगलैंड पहुंचे दौड़ाक हरमंदर सिंघ नें। उत्थे फिर इक्क कौतक होर वरतिआ।

हरमंदर सिंघ ख़ुद 10 हज़ा मीटर दौड़ दा दौड़ाक सी। मासको-1980 दीआं ओलंपिक खेडां लई उसने टराइल दित्ते सन पर बरतानीआ दी टीम विच्च चुणे जाणो रहि गिआ सी। फिर उह वैटरन दौड़ाक वजों मैराथन दौड़ां लाउण लग्ग पिआ। उह पारक विच्च दौड़न जांदा तां फौजा सिंघ नूं बैंच उत्ते सिर सुट्टी बैठा देखदा। इक्क दिन उसने निमोझूणे बैठे फौजा सिंघ नूं किहा कि जे तूं मेरे नाल दौड़न लग्ग पवें तां तेरी उदासी दूर हो जावेगी।

बुढापे विच्च पहुंचा फौजा सिंघ, हरमंदर सिंघ दी प्रेरना नाल हौली-हौली दौड़न लग्ग पिआ ते दौड़ के नेड़े दे गुरदुआरिआं विच्च जाण लग्ग पिआ। उह इक्क शहिर तों दूजे शहिर, इक्क पारक तों दूजे पारक ते इक्क गुरदवारे तों दूजे गुरदवारे तक दौड़न लग्गे। इंज कोच हरमंदर सिंघ दा फौजा सिंघ नूं मैराथनां लुआउण विच्च सभ तों वध्ध योगदान पिआ।

फौजा सिंघ नें चुरासी कट्ट के दौड़ना शुरू कीता सी। उसदी जीवन कहाणी दस्सदी है कि किसे बंदे दे जीवन विच्च किंने वी दुख्ख किउं नां आए होण ते उह किड्डी वी वड्डी उमर दा किउं नां हो गिआ होवे, जे हिंमत धार लवे तां कुछ दा कुछ कर सकदा है। जो कुझ फौजा सिंघ नें कीता, उह लामिसाल है!

बाबा फौजा वलाइत तों बिआस पिंड आइआ होइआ सी। आउण सार कोविड दीआं बंदशां लग्ग गईआं। तोरा फेरा ते मिलणा गिलणा बंद हो गिआ। उत्तों गरमीआं आ गईआं। मैनूं सथानक पत्तरकार दा फोन आइआ कि बाबा फौजा सिंघ दा हाल चाल ठीक नहीं, तुरत आ के मिलो। मैं फोन कीता तां बाबा पैंदी सट्टे बोलिआ, “मैनूं जहाज़ चहड़ाओ, नहीं तां मैं दस दिन नी कट्टदा।”

मैं ‘फलाईंग विंगज़’ वाले आपणे गुआंढी अजीत पाल नूं किहा, करो कोई इलाज, चहड़ाओ बाबे नूं जहाज़। उह कहिंदा, दिल्लीओं चहड़ा दिंने आं। पर मोड़वीं टिकट अंम्रितसरों चहड़न दी सी। मैं बाबे दे पुत्तर नूं पुछ्छिआ। दिल्ली तों चहड़ाउण लई नां पुत्त मंने नां पिओ। बाबा इहो दुहाई पाई जावे कि अंबरसरों चहड़ाओ, नहीं तां मैं चल्लिआ। फिर नां आखिओ, पहिलां नी दस्सिआ।

फिर कौतक वरतिआ। अजीत पाल दा फोन आइआ कि अंम्रितसरों लंडन जाण वाली फलाईट खुल्ल्ह गई। बाबे दा पहिली फलाईट विच्च ही जाण दा प्रबंध हो गिआ। सभ नें शुकर मनाइआ। हरविंदर सिंघ बाप नूं जहाज़ चहड़ा आइआ ते फोन कीता, जीअ बापू दा उत्थे वी नी लग्गणा। उही गल्ल होई। इंगलैंड विच्च कोविड दीआं पाबंदीआं पंजाब तों वी वध्ध सन। वलाइत दी जेल्ह तों अक्किआ उह मुड़ बिआस पिंड आ पुज्जा, जित्थे उसने अंतले साह लैणे सन।

बाबा फौजा सिंघ नाल मेरीआं अनेक मुलाकातां होईआं। कदे लंडन लागे ईरथ वूलिच, कदे टोरांटो, बरैंपटन, सरी, वैनकूवर ते कदे पटिआले। कदे साडे पिंड चक्कर जित्थे उस नूं किशती विच्च झील दी सैर कराई ते नौं माडरन सत्थां विच्च बज़ुरगां नाल मिलवाइआ। बिआस पिंड मुड़ के उह आपणे यारां बेलीआं नूं ‘चानण मुनारा’ बणे ‘चकर’ दीआं गल्लां सुणाउंदा रिहा।

6 मारच 2025 नूं श्री गुरू अंगद देव कालज खडूर साहिब दी अथलैटिकस मीट सी। असीं मीट दा उदघाटन कर के विहले होए तां मुड़दिआं बाबा फौजा सिंघ दीआं गल्लां चल्ल पईआं। मैं मीट दे उदघाटनी भाशण विच्च बाबे दा ज़िकर जु कर बैठा सां। जीटी रोड ’ते चहड़दिआं मैं नालदिआं नूं पुछ्छिआ, बाबा फौजा सिंघ नूं मिलणा है? अमरदीप कालज मुकंदपुर दे बानी गुरचरन सिंघ शेरगिल्ल ते कार चला रहे मेरे पुत्तर जगविंदर सिंघ नें हामी भर दित्ती। मैं हरविंदर सिंघ नूं फोन कीता तां उसने किहा, मैं तां बाहर हां पर बापू जी घर ही नें, आउ जाओ, जी आइआं नूं।

गड्डी असीं करतारपुरों मोड़नी सी पर मोड़ी जलंधर-पठानकोट हाईवे तों। बिआस पिंड नूं उत्थों मुड़े जित्थे बाअद विच्च बाबा फौजा सिंघ नाल हादसा वापरिआ। असीं फिरनी दा चक्कर ला के बाबे दे घर पुज्जे। दर खुल्ल्हा सी, साहमणे रुख्ख दी छावें बाबा मंजे ’ते पिआ सी। ट्रैकटर, टराली, सकूटर ते खेतीबाड़ी दे संदां नाल विहड़ा भरिआ होइआ सी।

असीं कार विच्चों निकले तां बाबे नें गंजे सिर ’ते पग्ग रख्खी ते मंजे तों उठ्ठ खहड़िआ। असीं बैठे रहिण लई किहा पर उह खूंडी लै के चाह पाणी पिआउण लई सानूं बैठक वल्ल लै तुरिआ। बैठक खेड सनमानां नाल भरी होई सी। इक्क अलमारी विच्च उहदा दौड़न वाला सुरमई बूट पिआ सी जो खेडां दा समान बणाउण वाली ऐडीडास कंपनी नें मुहंमद अली अते डेविड बैकहम तों बाअद 2004 विच्च फौजा सिंघ नूं आपणा अंबैसटर बणा के भेट कीता सी। उहदे इक्क बूट उत्ते ‘फौजा’ ते दूजे उत्ते ‘सिंघ’ दे सटिक्कर लग्गे सन। बाबे नूं दिसदा ठीक सी पर सुणदा उच्चा सी। चमड़ी ’ते फुलबहिरी दे चिट्टे दाग पैणे शुरू हो गए सन। गल्लां करदा दूजी गल्ल भुल्ल जांदा सी ते उघ्घ दीआं पताल मारन लग्ग पैंदा सी। पर हासा पहिलां वाला ही हस्सदा सी। उसदा वड्डा पुत्तर सुखविंदर सिंघ फरवरी विच्च मिलण आइआ बाप लई वलाइती विसकी छड्ड गिआ सी। गल्लींबातीं पता लग्गा कि परिवार दे 15 खेत हन ते इंने कु होर ठेके ’ते लै के छोटा पुत्तर खेती करदा है।

मैं सोचिआ सी कि जदों नवंबर विच्च कैनेडा तों पंजाब मुड़ांगा तां नवदीप गिल्ल ते होर खेड लेखकां नूं नाल लै के बाबे संग पिकनिक मनावांगे। नाले ‘मैराथन दा महांरथी बाबा फौजा सिंघ’ नां दी पुसतक लोक अरपण करांगे, जो मैं तिआर कर रिहां। पर कुदरत नूं कुझ होर मनज़ूर सी जिसने 14 जुलाई नूं ही भाणा वरताअ दित्ता।

फौजा सिंघ नूं मैं पहिली वार 1999 विच्च ईरथ-वूलिच दे टूरनामैंट विच्च देखिआ सी। मैं कुमैंटरी कर रिहा सां ते उह कबड्डी दे दाइरे दुआले रेवीए पिआ गेड़े ’ते गेड़े ला रिहा सी। काफी देर बाअद जदों रुकिआ तां मैं उहदे नाल गल्लां कीतीआं पर कापी विच्च नोट नां कर सकिआ। उंज पता लग्ग गिआ कि बाबा कमाल दी शैअ है।

2000 विच्च मैं फौजा सिंघ दीआं तसवीरां अख़बारां विच्च छपीआं देखीआं। उसने लंडन दी मैराथन दौड़ विच्च अस्सी साल तों वड्डी उमर दे दौड़ाकां विच्च नवां विशव रिकारड रख्ख दित्ता सी! उस मैराथन विच्च 32860 दौड़ाकां नें भाग लिआ सी ते उह दस हज़ार दौड़ाकां नूं पिछ्छे छड्ड गिआ सी। मैनूं झोरा होइआ कि ईरथ विच्च मैं उसदी इंटरविऊ किउं नां लै सकिआ?

28 सतंबर 2003 नूं ‘सकोशीआ बैंक टोरांटो वाटरफरंट मैराथन’ टोरांटो विच्च लग्गी। मैं उदों उत्थे ही सां। फौजा सिंघ इंगलैंड तों दौड़ विच्च भाग लैण आइआ। उहदे केसरी पग्ग बध्धी होई सी ते दौड़दे दी लंमी दाहड़ी लहिराअ रही सी। दौड़ मुक्की तां उसने आपणा ही रिकारड पहिलां नालों 31 मिंट घट्ट समें नाल तोड़ दित्ता। मेमां इक्क दूजी तों अग्गे हो के फौजा सिंघ नूं जफ्फीआं पाउंदीआं वधाईआं देण लग्गीआं। निआणे आटोगराफ लैण लग्गे। बिआस पिंडीआं नें फौजा सिंघ नूं मोढिआं ’ते चुक्क लिआ। फौजा सिंघ दी बल्ले-बल्ले हो गई। उहदी विलख्खणता सी कि उह झूलदी सफैद दाहड़ी नाल केसरी दसतार ’ते खंडा सजा के दौड़िआ सी। उहदे निआरे सरूप नें उहदी मशहूरी होर वी वध्ध कराई!

शामी असीं लांभे बहि के खुल्ल्हीआं गल्लां कीतीआं। उसने हुब्ब के दस्सिआ कि पिंड हल्ल वाहुंदिआं उहनूं कोई पाणी वी नहीं सी पुछ्छदा पर हुण मेमां कोक चुक्की पिछ्छे-पिछ्छे तुरीआं फिरदीआं। कैमरिआं वाले फोटू लाहुणो नी हटदे। पिंड वाले मैनूं फौजू कहिंदे सी, अख़बारां वाले बाबा फौजा सिंघ लिखी जांदे हन। उसने किहा, “इह सभ कुजरत दी खेड ऐ।” कुदरत नूं उह कुजरत कहि रिहा सी!

गल्लांबातां करदिआं मैं नोट कीता कि बाबा फौजा सिंघ अंदर अजे वी शौंकी बंदा छुपिआ बैठा सी। उहने सोने दा कड़ा पाइआ होइआ सी ते सुनहिरी घड़ी बध्धी होई सी। घड़ी माड़ी मोटी नइहीं, राडो सी जो साढे तिंन सौ पौंड दी लई सी।

फौजा सिंघ दे जीवन विच्च बड़े उतराअ चहड़ा आए। दुख्ख वी भोगिआ ते सुख्ख वी माणिआ। गुमनाम वी रिहा ते मशहूर वी होइआ। उसने किहा कि बंदा ठोहकर खाधे बिनां नहीं सुधरदा। उसने ख़ुद जीवन विच्च ठोहकरां खाधीआं। उहदे अंदर छुपे होए चंगेरे भविख्ख नें उहनूं लंमा समां जिऊंदा रख्खिआ। बाबा अजब इनसान सी। बज़ुरगां दा रोल माडल ते बंदे दे बुलंद जेरे दी जिऊंदी जागदी मिसाल। सिरड़ी, मिहनती ते मंज़िलां मारन वाला महांरथी। बुल्ले शाह वरगी मसत तबीअत दा मालक ते शाह हुसैन जिहा फक्कर। सहिजता, सुहिरदता, मसूमीअत ते भोलेपन दी मूरत। उहदीआं गल्लां सिध्धीआं सादीआं, भोलीआं ते निरछल हन। हासा ठठ्ठा करना उहदा सुभाअ सी, जिस नाल हस्सदे दीआं अख्खां छलक पैंदीआं।

उह रौणकी बंदा सी। सिरे दा गालड़ी। बेफिकर, बेपरवाह, बेबाक, दानी अते दइआवान। उहने गुंमनामी विच्च चल्ल वसणा सी जे दौड़न नां लगदा। दौड़ां लाउण नाल उह मरनो बच गिआ। ग़मग़ीनी विच्चों निकल के जिऊंदिआं विच्च हो गिआ। बुढ्ढेवारे दौड़ां विच्च पै के उहने पूरे विशव विच्च बल्ले-बल्ले करवाई। उस नूं 2004, 2008 ते 2012 दीआं ओलंपिक खेडां दी मिशाल लै के दौड़न दा माण मिलिआ। बाबे नूं बरतानीआ दी महाराणी अलैज़ाबैत्थ नें सौ साल दा सीनीअर सिटीज़न हो जाण दी वधाई दित्ती ते शाही महिलां विच्च खाणे ’ते सद्दिआ। महाराणी नूं मिल के उह होर जवान हो गिआ!

फौजा सिंघ पुंन दे कारजां लई दौड़दा रिहा। चैरटी लई इकठ्ठे होए पैसिआं विच्च थोहड़े बहुते आपणे वल्लों वी पाउंदा रिहा। 2003 विच्च उह निऊयारक दी मैराथन ‘सिख्ख पछाण’ लई दौड़िआ। टोरांटो दी वाटर फरंट हाफ मैराथन उह गुरू गोबिंद सिंघ चिलडरन फाऊंडेशन लई दौड़िआ। उस बारे उसदे पेंडूआं नें दो कवितावां जोड़ीआं: अदरक दी तरी दा कमाल ते फौजा सिंघ सरदार दी है इक्क वख्खरी शान, इसदे करतब देख के दुनीआ होए हैरान …।

फौजा सिंघ लंडन ओलंपिक-2012 दी मिशाल लै के दौड़िआ तां रसते विच्च छबीलां लग्ग गईआं सन अते लंगर लाए गए सन। इओं छबीलां अते लंगर पहिली वार ओलंपिक खेडां दे अंग बणे। वीहवीं सदी विच्च पग्गां दाहड़ीआं वाले फौजीआं अते हाकी दे खिडारीआं नें सिख्ख सरूप दी पछाण बाकी दुनीआ नूं कराई सी। इक्कीवीं सदी दे अरंभ विच्च पग्ग दाहड़ी दी जिंनी पछाण बाबा फौजा सिंघ नें कराई, उंनी होर किसे नें नहीं कराई। फौजा सिंघ आप कहिंदा सी कि मेरी पछाण उंनी मेरे दौड़न करके नहीं, जिंनी पग्ग दाहड़ी करके है। इहो कारन है कि उह कदे नंगे सिर नहीं सी दौड़िआ ते कदे दाहड़ी नहीं सी बंनही।

फौजा सिंघ दा कहिणा सी कि उह कुदरत दे रंगां विच्च राज़ी है। उह प्रहेज़गार सी, सिरड़ी सी, सिदकी सी ते लोभ लालच तों परे सी। कहिंदा सी, “कमाउण नूं तां भावें मैं मिलीअन डालर कमा लवां पर करने की आ? लोड़ जोगा रब्ब दा दित्ता बहुत कुझ है। तंदरुसती चाहीदी ऐ। जिसदे कोल तंदरुसती ऐ, उहदे कोल सारीआं दौलतां।”

कित्थे फौजा सिंघ ते कित्थे करोड़ां रुपए `कठ्ठे करन वाले नेता ते वड्डे अफसर! उह करोड़ां रुपए कोल होण दे बावजूद नहीं रज्जदे जदों कि फौजा सिंघ बिनां बैंक बैलैंस दे ही रज्जिआ पुज्जिआ सी। जे उह चाहुंदा तां मैराथन दौड़ां दे सिर ’ते जिंने मरज़ी कमा लैंदा। उसने लंमी दौड़ दा रिकारड ही नहीं रख्खिआ, बेलोड़ी माइआ दे तिआग करन दा रिकारड वी रख्खिआ!

आख़री मुलाकात विच्च मैं पुछ्छिआ सी, “अज्जकल्ल्ह की महिसूस करदे ओ?”

“रब्ब दा शुकर ऐ। कदे चित्त चेते वी नां सी कि उह ऐनीआं रहिमतां दी बरखा करेगा। जदों मैं सदमे विच्चों गुज़र रिहा सी तां उहने मेरे अंदर दौड़न दी चुआती लाई अते आपणी बुक्कल विच्च समो लिआ। मैं कदे लालच लई नहीं दौड़िआ। जो पैसा धेला दौड़ां विच्चों मिलिआ, उह चैरिटी दे लेखे ला ’ता। सोचदां खौरे किसे उस ग़रीब दा वी भला कीता होऊ, जिसदीआं असीसां नाल मैं दौड़ी जा रिहां।”

फौजा सिंघ दी जीवन कहाणी दा सार है कि बंदे दे जीवन विच्च किंने वी दुख्ख किउं नां आए होण ते उह किड्डी वी उमर दा किउं नां हो गिआ होवे, जे उह हिंमत धार लवे तां कुछ दा कुछ कर सकदा है। जो कुझ बाबा फौजा सिंघ नें कीता उह आउंदीआं पीहड़ीआं लई राहदसेरा बणिआ रहेगा। बाबा फौजा सिंघ नूं जांदी वार दी फतिह, प्रणाम अते सलाम!

*    *    *    *    *