पंजाब दा दुखांतमई पख्ख इह है कि नशिआं कारन बहुत सारे जिमींदार, सनअतकार, विउपारी अते मज़दूर वरग नाल सबंधत घरां दे चुल्ल्हे ठंढे हो गए हन। सैंकड़े विघ्घे ज़मीन दे मालकां दी हालत कख्खों हौली अते पाणीउं पतली हो गई है। लड़कीआं जवानी दी दहिलीज़ पार कर चुक्कीआं हन, पर नशईआं नूं सिरफ अते सिरफ आपणे नशे दे फिकर तों बिनां परिवारक ज़िंमेवारीआं दी कोई परवाह नहीं अते इसे कारन धीआं डोली विच्च बैठण लई तरस रहीआं हन। जे चाचे-ताए जां नानका परिवार लड़की लई योग वर दी तलाश करदे हन तां अगांह नशई बाप दा पता लग्ग जाण कारन लड़के वाले हत्थ खिच्च लैंदे हन। अजिही सथिती पंजाब दे गभ्भरूआं दी है। नशिआं कारन कंगाल होए परिवार दी नां कोई धी लैण लई तिआर हुंदा है अते नां ही मुंडे नूं रिशता करन लई कोई बहुड़दा है। मां दीआं सिसकीआं, रिशतेदारां अते मेल-गेल वालिआं दे कीते तरले वी कोई असर नहीं करदे। नशा छुडाऊ केंदर दे निरदेशक हुंदिआं अनेकां हिरदेवेधक कहाणीआं साहमणे आईआं हन।

ज़िल्हा संगरूर दे इक्क पिंड दा 45 कु साल दा नशई आपणे इलाज लई आइआ। काउंसलिंग उपरंत पता लग्गिआ कि उह मैडीकल नशे दे नाल नाल चिट्टे दी वरतों वी करदा सी। नशिआं कारन उह आपणे छे किल्ले ज़मीन गहिणे कर चुक्किआ सी। बाकी बचदे दो किल्ले पतनी नें रौला पा के आपणे नां करवा लए। हुण विचारी पतनी घर दो मझ्झां रख्ख के दोधी नूं दुध्ध वेचके घर दा गुज़ारा चला रही सी। इक्क दिन किसे ज़रूरी कंम उस औरत नूं पेकीं जाणा पै गिआ। इस नूं सुनहिरी मौका समझ के नशई नें दोनां मझ्झां नूं वेच दित्ता अते नशिआं कारन चहड़िआ करज़ा उतार के बाकी बचे पैसिआं नाल कुझ दिनां दा ‘सटाक’ इकठ्ठा कर लिआ। वापस आउण ’ते खाली कीले वेख के पतनी दा तराह निकल गिआ अते उह दुहत्थड़ मार के कहि रही सी, “किहड़े जनम दा वैर कढ्ढ रिहा हैं तूं साडे नाल? जवाकां नूं जिहड़े चार छिल्लड़ जोड़ के मैं रोटी खवाउंदी सी, तैं तां उस उत्ते वी डाका मार’ता। दिन रात मैं ते जवाक डंगरां दा गोहा कूड़ा करदे सी। खेतों पठ्ठे मैं लिआउंदी, फिर किते ...। तूं कुझ करन दी थां साडे ढिड्ड विच्च लत्त किउं मारी?”

उही औरत आपणे पती दा इलाज करवाउण वेले तरले नाल कहि रही सी, “हाड़ा जी! मैं थोडे मूहरे हत्थ बंनहदी हां, इस नूं ठीक कर दिउ। इलाज दे समें जे इह मर वी जावे तां सानूं दस्सण दी लोड़ नहीं, इहनूं इत्थ ही सिविआं विच्च फूक दिउ। लक्कड़ां दे पैसे मैं दे दूं।” उस औरत दे खून दे अत्थरू थंमहण विच्च नहीं सन आ रहे।

नाभे तों बज़ुरग पती पतनी आपणे वीह साल दे पुत्त नूं लै के आ गए। पुत्त नें जित्थे नशिआं कारन आपणा सरीर बरबाद कर लिआ सी, उत्थे ही मां-बाप दीआं चिंतावां विच्च वाधा करके उनहां नूं समें तों पहिलां ही बुढ्ढा कर दित्ता सी। औरत नें आपणे पती दी हाज़री विच्च आपणी दुख्ख भरी कहाणी दस्सदिआं किहा, “इस मुंडे नें तिणका-तिणका करके जोड़िआ घर बरबाद कर दित्तै, सानूं कासे जोगा नहीं छड्डिआ। इहदे कारन कोई रिशतेदार वी घर नहीं आउंदा।” कुझ रुक के उसने हटकोरिआं भरी अवाज़ विच्च फिर दस्सणा शुरू कीता, “इहदी सोने वरगी पतनी इहदे ग़म विच्च ही मर गई। बड़ी सिआणी अते सुचारू नूंह सी। उहदे मरन वेले मैं रब्ब नूं उलांभा दे रही सी कि तूं मेरी नूंह नूं चुक्कण दी थां इस कमीने नूं चुक्क लैंदा। मैनूं भोरा ग़म नां हुंदा। फिर जी, इक्क दिन इहदे दुख्ख कारन मैनूं हारट अटैक हो गिआ। दूजे पुत्त अते उहदी पतनी नें भज्जके गड्डी लिआंदी अते मैनूं हसपताल लै के जाण समें इह मेरे कोल गड्डी विच्च आ के बैठ गिआ। हसपताल दाखल होण समें पता चल्लिआ कि इह जदों हारट अटैक दी हालत विच्च मेरे कोल गड्डी विच्च थोहड़ी देर लई बैठा सी, उदों इह मेरा परस खिसका के लै गिआ सी। मेरे इलाज लई वीह हज़ार रुपइआ मेरे पती नें इसे परस विच्च पा दित्ता सी।” बज़ुरग औरत अते उसदे पती दीआं अख्खां विच्च अत्थरू सन।

इक्क विअकती गड्डी विच्च आपणे नशई पुत्त नूं लै के आइआ। उसदे नाल उसदे तिंन चार नज़दीकी रिशतेदार वी सन। विअकती नें इकल्लिआं मेरे नाल गल्ल करनी चाही। उसने दस्सिआ कि उह पिंड दा सरपंच है। आले दुआले चंगी पुछ्छ प्रतीत है। पिंड दे लोक इज़्ज़त वी करदे नें। चार अफसरां नाल वी बैठण-उठ्ठण ऐ। पर मेरे नशई मुंडे नें मैनूं कासे जोगा नहीं छड्डिआ। मेरी इज़्ज़त इहने मिट्टी विच्च रोल दित्ती ऐ। कंम दा डक्का नहीं तोड़दा। शराब लई हर रोज़ पैसे मंगदै। जे मैं पैसे नहीं दिंदा फिर कंजरखाना करदा है। जे पैसे दे देवां तां फिर दारू पी के कंजरखाना करन विच्च कोई कसर नहीं छड्डदा।” फिर उसने बेवसी दा बुत्त बणके रोणहाकी अवाज़ विच्च दस्सिआ, “हुण थोडे कोलों काहदा लुको ऐ। इहने कई वार शराब पी के मेरे ’ते अते आपणी मां ’ते हत्थ वी चुक्किआ है। पिंड दे लोकां अते रिशतेदारां नूं इहदी करतूत दा पतै। बाहर दीआं शलामां नूं मैं की चट्टा? घरे तां आपणे नशई पुत्त तों छित्तर खानां …।” इस तों पहिलां कि मैं उस नूं दिलासा दिंदा, उह निराशता दा बुत्त बणिआ आपणी पग्ग नाल अत्थरू पूंझदा होइआ, “मैं ठहिर के आउना” कहिके दफतर तों बाहर चला गिआ।

ज़िल्हा बरनाला दे इक्क पिंड दा नशई हसपताल विच्च नशा छड्डण लई दाख़ल होइआ। काउंसलिंग दरमिआन इह गल्ल सपशट हो गई कि उह रोडवेज़ विच्च डराईवर सी। ज़िआदा नशे दा आदी होण कारन डिउटी समें कुताही करदा रिहा, जिस कारन विभाग नें उस नूं नौकरी तों बरखासत कर दित्ता। नशिआं दी आदत पहिलां नालों वी ज़िआदा वध गई। घर विच्च पतनी, दो धीआं अते इक्क पुत्तर! पर उस नूं आपणी कबीलदारी दे फिकर दी थां सिरफ आपणे नशिआं दा जुगाड़ पूरा करन दी चिंता रहिंदी सी। घर विच्च रोज़ कलेश रहिण लग्ग पिआ। नशा करके नशई रोज़ पतनी दी कुट्टमार करदा। रिशतेदारां नें उस नूं बहुत समझाउण दी कोशिश कीती पर कोई असर नां होइआ। पतनी आपणे बच्चिआं नूं नाल लै के भरे मन नाल पेकीं जा बैठी। उस नूं दाखल करन उपरंत किसे होर मरीज़ राहीं सानूं पता लग्गिआ कि उह आपणी पतनी नाल इस गल्ल तों सख़त नराज़ है कि उह उस नूं छड्ड के बच्चिआं समेत पेकीं किउं बैठी है अते इस रंजिश दा बदला उह आपणी पतनी नूं कतल करके लैणा चाहुंदा है। पर नाल ही उस नूं इह वी डर सी कि कतल तों बाअद जेल्ह जाण समें उह नशिआं करके औखा होवेगा। इस करके ही उह आपणी सकीम नूं योजनाबध्ध तरीके नाल पूरा करन लई ही पहिलां नशा छड्डण लई दाख़ल होइआ तां जो जेल्ह विच्च कोई औकड़ नां आवे। उसदी इस खतरनाक योजना दा पता लग्गण ’ते समुच्चे सटाफ नाल मीटिंग करके इह फैसला लिआ गिआ कि उसदा नशा वी छुडवाउण है अते उसदी इह घातक सोच वी बदलणी है। रोज़ाना उहदे नाल दोसतां वांग गल्लां करदिआं उहनूं ज़िंदगी, परिवारक सुख्ख, बच्चिआं दी संभाल, पतनी दी अहिमीअत आदि सबंधी दस्सदे रहिंदे। फिर इक्क दिन उह दफतर विच्च आ के फुट्ट फुट्ट के रोण लग्ग पिआ। पुछ्छण ’ते उसने दस्सिआ कि मैं इत्थों नशा मुकत हो के भारी गुनाह करना सी। पर तुसीं मेरा इरादा बदल दित्ता है।

उस नूं डेढ कु महीना असीं आपणे कोल रख्खिआ। तसल्ली होण ’ते उसदी पतनी नूं वी नशा छुडाऊ केंदर विच्च बुलाइआ। दोनां दे गिले शिकवे दूर करके उनहां नूं खुशी खुशी केंदर तों विदाअ कीता।

मलेरकोटला इलाके नाल सबंधत इक्क अध्धखड़ उमर दा नशई नशा छड्डण लई दाख़ल होइआ। आपणी ज़िंदगी विच्च नशिआं कारन उसने चोरीआं, ठग्गीआं, लड़ाईआं, झगड़े सभ कुझ ही कीता सी। इसे कारन उह कई वार जेल्ह वी गिआ। उसदी विआहुता ज़िंदगी वी सफल नां रही अते उसदी पतनी उसदीआं आदतां तों तंग आ के उस नूं छड्ड के चली गई। उह सैंटर विच्च इक्क महीने तों ज़िआदा समां दाख़ल रिहा अते नशा छ਼ड्डण उपरंत उसने दस्सिआ, “इह जिहड़े मैं ऐने पाप कीते, नशिआं दा ऐबी बणके देह गाली, इहदे पिछ्छे इक्क कारन इह वी सी कि मेरे कोई भैण नहीं है। उतसुकता नाल इह पुछ्छण ’ते कि गुनाहां नाल भैण नां होण दा की सबंध? उसदा जवाब सी, “देखो जी, जे घर विच्च भैण होवे फिर किसे ऐर-गैर नूं घर थोहड़ा वाड़िआ जांदा है। गलत कंम करन वेले भैण दी टोका टाकी अते ताड़ना नाल वी बंदा सूत रहिंदै। बस्स, इसे करके घर विच्च लंडर मुंडिआं दा आउणा-जाणा शुरू हो गिआ। बस्स, फिर चल्ल सो चल्ल। नाले जी, जिहड़े कुख्ख विच्च धीआं दा कतल करवाउंदे नें, उह आप तां गुनाह करदे ही नें, अग्गे आपणी औलाद वासते वी कंडे बीज के मेरे वांग गलत राह ’ते तोरन लई वी ज़िंमेवार हुंदे नें। भला धी-धिआणी बिनां घर दा की वट्टींदै?”

इक्क होर नशई नें पछतावे भरे लहिज़े विच्च दस्सिआ, “मैं आपणे खेत विच्च पोसत बीज के उहदे आले-दुआले दो किल्ले कणक बीज दित्ती तां जो किसे नूं पता नां लग्गे। जदों पोसत दे डोडे पक्कणे शुरू हो गए तां किसे नें थाणे मुख़बरी कर दित्ती। पुलिस आ गई चहड़के। मैनूं सत्थ विच्च बुलाइआ। कहिंदे, दस्स तूं पोसत बीजिऐ? मैं उस थाणेदार नूं सच्चो सच्च सारी कहाणी दस्स दित्ती। थाणेदार भलामाणसी। उह मैनूं कहिंदा, जा सारी पोसत वढ्ढ के इत्थे लै आ। उसने नाल मेरे दो सिपाही भेज दित्ते। मैं जा के सारी पोसत वढ्ढी, फिर नरोई पंड बंनह के थाणेदार कोल सत्थ विच्च लै आइआ। थाणेदार मैनूं कहिंदा बई पहिलां पंचाइत विच्च वाअदा कर कि नां भुक्की खावेंगा अते नां ही बीजेंगा। मैं थाणेदार दे पैरीं डिग के इह वाअदा कर लिआ। फिर उसने मैनूं हुकम दित्ता कि जित्थे पिंड दीआं जनानीआं जंगल पाणी जांदीआं नें, उत्थे खिंडा के आ। मैं हुकम अनुसार उस तरहां ही कीता। जदों थाणेदार चला गिआ तां मैं घंटे कु बाअद बुड़ीआं दे जंगल पाणी वाली थां ’ते जा के सारा पोसत इकठ्ठा कीता। घर वड्डे पाणी दे टब्ब विच्च उस नूं धोता। फिर मैं दो महीने उह वरतदा रिहा।”

फिर उस नौकवान नें नमोशी भरी अवाज़ विच्च किहा, “हुण तां जी मैनूं इहो जिहा कुझ सोच के ही शरम आ रही है।”

इक्क चिट्टे दी वरतों कर रहे नशई दी पतनी खून दे अत्थरू वहाउंदिआं दस्स रही सी, “जी, इह मेरा पती नहीं, मेरा दुशमण है। आपणे नशिआं दी पूरती लई मैनूं मजबूर करदा है कि तूं चिट्टे दा धंदा करन वाले नूं ‘खुश करके’ मेरे लई चिट्टा लै के आ। हाड़ा जी, मैथों उनहां पापीआं कोलों आपणा मास नहीं नुचवाइआ जांदा। थोनूं हत्थ बंनह के बेनती ऐ, मेरी राख़ी करो, नाले इहदा कोहड़ वढ्ढो।”

पता नहीं इहो जिहीआं किंनीआं होर औरतां इहो जिहा संताप भोग रहीआं हन। उफ़! नशई नशिआं लई आपणी इज़्ज़त, सवैमाण, अणख सभ कुझ दाअ उत्ते लाउण दे नाल नाल अगनी साहमणे सत्त फेरे लैके जीवन भर इक्क दूजे प्रती वफ़ा दा वाअदा करके, शिरफ ते सिरफ नशिआं कारन आपणी जीवन साथण नूं डंगरां वांग किसे होर नूं सौंपण दी ज़िद कर रहे नें। जदों वाड़ ही खेत नूं खा रही है तां खेत दी दुरदशा दा अंदाज़ा सहिजे ही लाइआ जा सकदा है।

अजिहे बहुत सारे केस साहमणे आए नें जित्थे रिशतिआं विच्च बुरी तरहां तरेड़ पई है। नशईआं नें परिवार अते आपणे आप नूं मारन दी कोशिश कीती है। जाइदादां कुरक होईआं हन अते घरां विच्चों हमेशा ही रुदन भरे वैणां दी अवाज़ आउंदी है।

*****