किताब बहुत उदास है, हताश अते निराश है। इसदा इह वरतारा जाइज है। जद असीं किताब नूं पिआर नहीं करदे, इसनूं सहिलाउंदे नहीं, अपणाउंदे नहीं अते नां ही इसदे वरकिआं ते फैली इबारत नूं पड़दे हां तां किताब नें निराश होणा ही होइआ।

बहुत अख्खरदी है किताब नूं इकल्लता। बंद किताब विच वरकिआं ते उकरे अख्खरां विचले हाउकिआं विच ही खुर्र जांदी ए लिखत। ज़रजरी वरकिआं नूं फरोलण वाले हत्थ ही किताब तों मुनकर हो जाण तां किताब विचारी की करे?

किताब सभ्भ तों वधीआ दोसत। दुख्ख-सुख्ख साझां करदी। कुझ दस्सदी, कुझ पुछ्छदी। कुझ समझाउंदी अते कदे साडी उंगल फड़ सही रसते ते पाउंदी।

किताब, गिआन दा भंडार। वरकिआं ते फैलिआ संसार। गुझ्झीआं रमज़ां फरोलदी। कुदरती भेतां दी थाह पाउंदी। चौगिरदे विच वापर रहे भाणिआं नूं समझाउंदी।

किताब तों ही पता लग्गदा कि मनुख्खी सरीर दी की है बणतर? इसदीआं किरिआवां किंझ हुंदीआं, की वापरदा, किउं असीं अलामतां दा सि਼कार हुंदे? साडे दिल-ओ-दिमाग दा की आपसी सबंध? असीं किसदी मंनदिआं प्रापतीआं दे राही बणदे अते किसदे आखे लग्ग औझड़ राहां विच ही गवाच जांदे?

किताब पाठक नूं बाहां अड्डी उडीकदी। आपणे कोल बिठाउणा, संवाद रचाउणा अते इबारत दी जूहे शबदां दे अरथां नूं मसतक विच टिकाउणा चाहुंदी।

किताब विचों उगदे नें सुरज ते तारे। अंबरीं उडाण दा सिरनावां। अणछोहीआं मंज़लां दी प्रापती दा हुनर। कुझ अणकिहा अते अणसोचिआ करन दी तरकीब। कुझ अवल्लड़ा करके नाम चमकाउण दी अदाअ।

किताब विच ही हुंदा विलख्खणतावां दा भेत। मन चाहे सुपनिआं दी प्रापती दा राज़। मन चाही प्रापती दा वसीला अते आपणे राहां नूं आपणी मरज़ी नाल निरधारत करन दा वल्ल।

कदे गाउंदी किताब नाल गुणगुणाउणा। इसदी इबारत नूं आपणे अंतरीव विच समाउणा। किताब अते कविता दा गूड़ा सबंध। किताबां कवितावां वरगीआं हुंदीआं अते कवितावां किताबां। तुहाडे दिल दी बात पाउंदी। तुहाडीआं तरज़ीहां नूं शबद दिंदीआं। तुहाडीआं तमंनावां नूं सेध दे के इसदी पूरती दा इशारा करदीआं।

किताब दिलदार। रूह दी हानण। तुहाडे निज्ज दा हिस्सा। तुहाडी रूहदारी दा माण। तुहाडे सारे भेतां दी जाणू। तुहाडे लई समझां, सिआणपां, सुमत्तां अते सावधानीआं दा संसार। तुसीं इस विचों किहड़े माणक मोती चुग्गणे, इह तां तुहानूं ही कैफ़ीअत होणी चाहीदी। भला किताब विचारी की करे?

बुक्क-सैलफ़ ते पईआं किताबां दे नैणां विच झाकणा। तुहानूं अहिसास होवेगा किंनी रीझ हुंदी किताब नूं कि कोई तां मैंनूं हिक्क नाल लावे। मेरे वरके फरोले। शबदी इबारतां दीआं घुंढीआं खोले अते इनहां विच जगदे अरथां दे चिरागां नाल आपणी मानसिकता नूं रुश्शनावे।

याद रहे कि किताब तों बेमुख्खता बहुत ही घाटेवंदा सौदा। जरा सोचणा! किताब विचों मिलदे गिआन दी अणहोंद कारन बंदे नूं किवें समझ आवेगी कि साडे बजुरगां नें इतिहास किवें रच्चिआ? उह किहड़ीआं मुशक्कतां विचों नवी सिरजणकारी दा माण बणे। रहिबरां दीआं सिखिआवां तों विरवे हो के भला असीं उनहां दे पाए पुरनिआं ते किवें तुर सकांगे? सानूं पूरनिआं दा तां पता होवे।

मैं अकसर ही किताब नूं फोलदां। इसदी दिख्ख दे उघड़दे नकशां विचों ही इसदी अख्ख्रकारी दा अहिसास हो जांदा। तुसीं उह किताब दी दिलदारी विचों कुझ अजेहा माणमत्ता प्रापत करदे कि किताब तुहानूं रूह दी हानण जापदी।

किताबां सिजदीआं नें इतिहास। इनकलाब लई पैड़ां बणदीआं नें किताबां। दुनीआं विच आए सारे ही परिवरतनां विच किताबां दी अहिम भूमिका। कदे शहीदे आज़म स. भगत सिंघ दी जीवनी नूं पड़ना अते समझणा कि किताबां विचों उसने किंना कुझ प्रापत कीता जिहड़ा सूली चड़न तों कुझ पल पहिलां किताब नाल संवाद रचा रिहा सी। गुरू गोबिंद सिंघ जी वलों औरंगजेब नूं भेजिआ जफ़रनामा ही सी जिसने इक हंकारी, तुअस्सबी अते जालम हुकमरान नूं आपणे कीते ते पछतावे लई मजबूर कीता अते गुरू जी वल्ल दोसती दा हत्थ वधाइआ।

किताबां अज़ीम ख़ज़ाना। बजुरगां दी सभ्भ तों महिंगी अते अणमोल निशानी जिसनूं फरोलिदिआं कई वार कुझ अजेहा वी मिलदा जिहड़ा कई वार साडीआं पीहड़ीआं नें किआसिआ वी नहीं हुंदा।

किताबां दी संगत विच बंदा कदे वी इकल्ला नहीं हुंदा। किताब विचली कहाणी जां नावल दा हर पातर पाठक नाल संवाद रचाउंदा। जद पाठक उस पातर विचों खुद नूं भालदा पातर ही बण जांदा तां किताब आपणा मुल्ल मोड़ दिंदी। याद रहे कि किताब नहीं बोलदी, इसदे शबद बोलदे। इसदी लिखत तुहाडे नैणां विच उतरदी। इसदी अरथकारी तुहानूं अचेत अते सुचेत रूप विच कुझ अजेहा तुहाडे अंदर धर जांदी कि तुहानूं पता लग्गदा कि अजेहा तां कदे सोचिआ वी नहीं सी जा सकदा।

कई वार किताब बहुत निराश अते उदास हो जांदी। उह हताश वी हो जांदी जद पाठक नूं उडीकदी किताब बेबस्सी दे आलम विच सिउंकी होई नज़रबंदी दी आउध हंढाउंदी आखर नूं मिट्टी हो जांदी अते इस दे तड़फदे अख्खरां दा दरद, वकत दे नाम हो जांदा।

ज़रा किआस करना, उनहां ग्रंथां अते लिखतां दा जिहनां नें आउण वाले वकतां विच बीते दीआं कई परतां नूं फरोलणा अते उस इतिहास नूं आउण वालीआं नसलां दे नाम करना सी पर जो सरसा नदी दे पाणीआं विच वहि गईआं अते ग्रंथां दे हंझूआं विच सरसा दा पाणी वी खौलण लग्ग पिआ सी। उनहां भिज्जे अते गळे वरकिआं विच उकरे अख्खरां नूं शाइद आख़री पनाह पाणीआं नें ही देणी सी।

कई वार मैं सोचदा हां कि किताब दा की कसूर कि पाठक इस तों रहिनुमाई लैण तों ही उकता गिआ। किताब नें तां पाठक नूं शबदी रहिमतां नाल निवाजणा सी। पर पाठक ही किताब तों पता नहीं किउं हताश हो गिआ।

किताब तों दूर जाण वालीआं कौमां बड़ी जलदी आपणा विरसा गवा बहिंदीआं। नवीआं नसलां नूं किताबां तों बगैर किंझ पता लग्गेगा कि उनहां दा वडेरे कौण सन? उह किस माणमत्ती विरासत दे मालक हन? किवें इस विरासत नूं संभालिआ जा सकदा? किवें आपणीआं जहड़ां नाल जुड़ के आपणे पुरखिआं नूं याद कीता जा सकदा।

किताबां बहुत कुझ दिंदीआं। कई वार इक ही किताब बंदे दी काइआ कलप कर दिंदी। इंझ वी हुंदा कि कोई इक ही कविता, कहाणी जां लेख किसे पाठक दी मानसिकता विच अजेही दसतक दिंदा कि उह भुचक्का ही रहि जांदा कि की कुझ अजेहा वी हो सकदा? मैं अजेहा किउं नहीं? मैं किउं आपणी जि਼ंदगी नूं विअरथ गवा रिहा सी?

किताबां जीवन-दानी, महां गिआनी अते हरफ़ां विच परोई साडी ही कहाणी। शबदां विच उगदी सवेर। धुप्प दीआं कातरां। चानण दीआं रिशमां। इसदे वरकिआं ते जगदीआं नें मोमबत्तीआं। असीं इस रौशनI विच ख़ुद नूं किंना रुशनाउणा, इह तां किताबां नाल जुड़ के पता लग्गदा।

इह वी समझ लैणा चाहीदा कि किताबां मुहारनी नहीं हुंदीआं। इनहां विच उतरना पैंदा। लिखत नूं रूह विच रचाउणा पैंदा। इसदीआं परतां विचों खुद नूं उलथाउणा पैंदा। खुद दी निसानदेही करनी पैंदी कि मेरे किहड़े हनेरे पख्ख अते किहड़े रौशन पख्ख हन? किहनां पख्खां तों अणजाण हां अते किहड़ी दिब्ब द्रिशटी ते मैं नज़र ही नहीं मार सकिआ? किसे वी वसत-वरतारे नूं कोई ले਼खक किवें देखदा अते इसनूं शबदां विच ढालदा? मैं इस बारे की सोचदा सी? की मेरे सोच लिखत दे हाण दी सोच जां मैंनूं आपणी सोच दे दाइरे विशालणे चाहीदे? मैं किउं संकोचवीं संवेदना दा कैदी? किउं नहीं मैं आपणी सुहज संवेदना नूं अंबर जेडी विशालता अते समुंदर जेड डूंघाई दे सकिआ?

कदे कदे किसे पुराणी किताब नूं फरोलदिआं लभ्भ पैंदा इक मोर दा खंभ। इसदे मध्धम पै चुक्के रंग। पर इह खंभ तुहानूं बीते होए पलां दी मख़रूरी तुहाडी चेतना दे नाम कर जांदा।

किताब नूं पड़ना नहीं सगों इस विच गवाचणा हुंदा तां ही किताब दी अहिमीअत दा अंदाज़ा हुंदा। तुसीं इसनूं आपणी आतमा विच वसाउंदे हो।

जि਼ंदगी इक किताब। इसदे किंने कु वरके तुसीं पड़े अते किMny अणपड़े? की इह बंद किताब है जां खुल्ली किताब? कदे ज़रूर सोचणा! जि਼ंदगी दे अरथ वी समझ आ जाणगे।

किताबां तुहाडी प्रवाज़ दे पर, जीवन-शैली दा अंदाज़, सुपनिआं दीआं हमराज़ अते तुहाडा अंतरीवी राज़।

किताब पड़ के बदल जांदी है तुहाडी समझ, सोच, विचार अते किसे वसत वरतारे नूं देखण दा नज़रीआ। किसे सखश नूं पहिचानण दा दाअवा। किसे ते भरोसा करन अते किसे नूं आपणा बणाउण दी तरकीब। बहुत कुझ दिंदीआं नें किताबां इक मनुख्ख नूं।

किताब पड़ के भावें तुसी भुल्ल वी जावो पर पड़ी होई किताब दा कुझ हिस्सा तां सदा लई तुहाडे अवचेतन दा अंग बण ही जांदा।

किताब इक सड़क दी निताईं जिहड़ी तुहानूं मंज़ळ दी दस्स वी पाउंदी। उंगल ला के तोरदी ही अते निरधारत पैंडिआ राहीं तुहाडे खाबां दा सच्च तुहाडे साहवें उपजाउंदी।

किताबां राहीं ही असीं सधारनता विचों असधारनता देखदे। गुंझलदार वरातारिआं नूं सधारन शबदां राहीं प्रगट करन दे समरत्थ।

किताबां तुहाडी सवै-परख दा सभ्भ तों समरूप अते सुंदर पैमाना। इस विचों बहुत रंग उघड़दे। कुझ काले, कुझ सफ़ैद। कुझ पीले अते कुझ नीले। कुझ हरे अते कुझ पत्तड़झी। इह रंग दरअसल तुहाडी मानसकिता दी परख-पड़चोल नूं नवीं रंगत दिंदे। तुहानूं उस रंग विच रंग जांदे जिहड़ा तुहाडा ही मजीठी रंग हुंदा।

किताबां पड़दे रिहा करो। कदे नां अक्को अते नां ही थक्को। किताबां तों उचाट होइआ मन दरअसल आपणे जीवन तों निरमोहा होइआ, बड़ी जलदी आपणा सिवा सेकण लई काहला हो जांदा।

कई वार मैं आपणीं निज्जी लाइबरेरी विच पईआं किताबां नाल मूक संवाद रचाउंदा। मैंनूं इंझ लग्गण लग्गदा कि मेरीआं किताबां कई वार बहुत ही उदास हो जांदीआं किउंकि उनहां नूं लग्गदा कि मेरे तों बाअद इह किताबां शाइद किसे रद्दी वाले नूं वेच दित्तीआं जाणगीआं। इनहां दे लिफ़਼ाफ़े बण जाणगे अते किताबां दी होंद ही खतम हो जावेगी। दरअसल जे साडी नवीं पीड़ी इंझ ही किताबां नूं दुरकारदी रही तां किताबां दे नैणां विच उतरिआ इह सच्च समिआं नें जरूर देखणा। मैं हुब्बकीं रोदीआं किताबां नूं वराऊंदा अते धीरज बंनाउंदा कि कुझ वी अजेहा नहीं होवेगा। पर मैं आपणे अंदर झाती मार के देखदा तां अहिसास हुंदा कि आखर नूं इंझ ही होणा। रोणहाकीआं किताबां नूं जद घर तों जलावतनी हो गई तां इनहां दा टिकाणा कबाड़ दा ढेर होवेगा। किताबां विच जगदे दीविआं नें बुझ्झ जाणा, अख्खरां नें मिट जाणा अते लिखत दे खारे हंझूआं विच बहुत कुझ अजेहा वहि जाणा जो बीते नें संभालिआ सी। मेरीआं लिखतां सिरफ़ मेरीआं ही नहीं सन। इह तां उस समें दा सच्च सी जो मैं देखिआ, हंढाइआ अते माणिआ। जिसनूं हरफां दे हवाले कीता। हरफ़ां दी बुक्कल विच पिआ इस अणमोल खज़ाने दी सोझी बहुत ही विरलिआं नूं हुंदी।

कई वार मैं आपणीआं किताबां नूं afpxy कोल बुलाउंदा, धीरज धराउंदा अते समझाउंदा कि मैं आखरी साह तक्क तुहाडा देणदार हां अते तुसीं मेरी अमानत हो। पर आउण वालीआं नसलां नें तुहाडे नाल की वरताअ करना, इसदी मैंनूं मुआफ़ी ज़रूर दे देणा। जद मैं ही नहीं रहिणा तां मैं किसे नूं की कहिणा कि मेरीआं किताबां नाल इंझ नां करिE? जिऊंदे जीअ किताबां नाल मोह पालण वाले आखर नूं आखरी साह लैंदिआं, जद हंझूआं भिज्जी अलविदा किताबां नूं कहिंदे तां किताबां वी रोण लग्गदीआं।

वासता ई! कदे वी किताबां नूं रोण नां दिE। इनहां विच हिच्चकीआं नां उपजाE। इनहां दी रहिमत विचों आपणे आप नूं रुशनाE। आपणे सुपनिआं दी संपूरनता दी मारग दरशना करो। मंजलां दा सिरनावां लभ्भो। इह किताबां ही हुंदीआं जो तुहानूं गुणी-गिआनी, विदवान, पारखू जां गिआनवंता बणा के तुहानूं मारग दरशक, अधिआपक जां पRoफैसर वरगी उचतम पदवी दे मालक बणाउंदीआं।

बंदा तां अगिआनी हुंदा। इह किताबां विचों मिलिआ गिआन ही हुंदा जिस नाल जीवन दे वख्ख-वख्ख खेतरां विच उपलबधीआं करदे, नवीआं पहिलां सिरजदे, नवें दिसहद्दिआं दी निशदानदेही करदे लोक आपणा, आपणे परिवार, समाज जां देश दा नाम रौशन करदे। किताबी मारग तों भटके लोक ही मानसिक भटकणा दे राही बण, कई वार खुदकुशीआं, कतलां, कुकरमां अते कुलहिणे वकतां दा कोहज बण जांदे।

किताबां दी संगत, सुहबत अते सिरजणकारी विचों तुसीं आपणी सिरजणातमिकता अते संवेदना नूं नवीआं दिशावां, उपनावां अते रचनावां राहीं, इसदीआं उह परतां अते परिपेख नूं वी समझण दे समरत्थ हुंदे हो जिनहां तों अकसर ही असीं अवेसले हुंदे।

किताबां हुंदीआं दरिआ दा पाणी, वग्गदिआं पाउंदा नवीं कहाणी। किताबां हुंदीआं पौणां दा गीत, जिहड़ा सिखाउंदा जीण दी रीत। किताबां हुंदीआं फुल्लां वरगीआं, ते महिकां भरी गुलज़ार। किताबां मन दी वत्तर भौं, उगदे शुभ्भ विचार। किताबां हुंदीआं फट्टदी लोअ, ते पंछीआं दी परवाज़। किताबां मन-कपाटीं खोलण, काइनात दे राज़। किताबां चौतरफ़ी लोअ वंडेंदा, आळे विच चिराग। किताबां इट्टां नूं घर बणाउंदीआं ते डिऊड़ी दे भाग। किताबां चंद सूरज दीआं बातां अते तारिआं भरिआ थाल। किताबां मत्थे चानण उगदा अते मनां दे विच मलाल।

***