इह उदासी, धुंद, इह सभ कुझ कि जो चंगा नहीं

मैं उदै होणा, सदा इस विच घिरे रहिणा नहीं

कुफ़र, बदीआं, ख़ौफ़ की की एस विच घुलिआ पिआ

मेरे दिल दरिआ तों वध दरिआ कोई गंधला नहीं

मैं दलीलां दे रिहां, खप रिहां, कुरला रिहां

पर अजे रूह दी अदालत चों बरी होइआ नहीं

अचनचेती मेरे दिल विच सुलग उठदा है कदे

हाले तक मकतूल मेरे दा सिवा ठरिआ नहीं

शुहरतां दे मोह अते बदनामीआं दे ख़ौफ़ तों

मुकत हो के मैं अजे सफिआं 'ते विछ सकिआ नहीं

मेरी रचना इस तरहां है, जिस तरहां दीवार 'ते

बूहिआं दीआं मूरतां नें, पर कोई बूहा नहीं

रुख्ख दीआं लगरां नें ऐवें विच हवा दे कंबदीआं

इह किसे थां जाण दा कोई दसदीआं रसता नहीं

अगलिआं राहां दा डर, इस थां दा मोह, इक इंतज़ार

बिरख तों बंदा अजे तक हाइ मैं बणिआ नहीं

शोर दे दरिआ 'ते पुल है बंसरी दी हूक, पर

बोझ दिल 'ते है जो इस तों झल्लिआ जाणा नहीं

लाट बण जगिआ नहीं, धुखणों वी पर हटिआ नहीं

दिल तों मैं एसे लई मायूस वी होइआ नहीं

तेरिआं राहां ते गूहड़ी छां तां बण सकदा हां मैं

मंनिआ सूरज दे रसते नूं बदल सकदा नहीं

उह नें भुख्खे ते उनहां नूं भुख्खिआं दा ख़ौफ़ है

नींद इस नगरी 'च कोई चैन दी सौंदा नहीं