नवंबर 16, 2026

writingDetail.created_by
By: जगरूप सिंघ आई.आर.ऐस्स (रिटा)

थप्पड़ दी गूंज ...

7 जनवरी 2022 नूं पंजाबी ट्रिबिऊन विच्च मेरा मिडल ‘थप्पड़ां दे रंग’ छपिआ। बहुत पाठकां नें प्रशंसा दे फोन कीते। सिफ़त दा कारन शैली नहीं, बिरतांत सी। भावें इह मेरे निज्ज नाल जुड़िआ होइआ सी पर दुखांत सभ दा सी। लेख दे अंत ’ते लिखिआ सी --- हुण सोचीदा है कि उह बेअवाज़ थप्पड़ मेरे पिंड, समाज अते मुलक नूं किंना महिंगा पिआ होवेगा।

मेरे वरगिआं करोड़ां दे पए थप्पड़ां दी आवाज़ कौण सुणदा सी/है पर इस लेख दे छपण तों ठीक दो साल पंज महीने पिछ्छों अरथात 7 जून 2024 नूं चंडीगहड़ अंतरराशटरी हवाई अड्डे ’ते इक्क थप्पड़ दी अजिही गूंज पई, जिहड़ी दुनीआं दे कोने कोने विच्च सुणाई दित्ती। भाणा इंझ वरतिआ दस्सिआ जा रिहा है कि फिलमी अदाकार तों सिआसी आगू बणी इक्क महिला लोक सभा चोण जित्त के (हाले उस नें मैंबर पारलीमैंट होण दी सहुं नहीं चुक्की सी) हवाई जहाज़ राहीं दिल्ली जा रही सी। सकिउरटी चैक्क वेले उस दी सुरख्खिआ करमी महिला नाल तूं-तूं मैं-मैं हो गई, जिस दौरान सुरख्खिआ करमी नें महिला दे थप्पड़ जड़ दित्ता। जनतक सथान ’ते इक्क मशहूर फिलमी कलाकार अते हुण सिआसी लीडर दे पए अजिहे थप्पड़ दी गूंज देश-विदेश विच्च सुणाई देणी सुभाविक सी, मध्धम जिही आवाज़ हाले वी आ रही है। घटना घटदिआं ही वख्ख वख्ख सिआसी पारटीआं, धारमिक-जथेबंदीआं अते दोहां महिलावां दे परिवारक मैंबरां दे प्रतीकरम आउणे शुरू हो गए। थप्पड़ तक नौबत आउण दी पिठ्ठ-भूमी दा बिरतांत प्रांतिक अते कौमी अखबारां, बिजलई माधिअम अते सोशल मीडीआ आदि ’ते नशर होण नूं सकिंट नां लग्गिआ। अंतर-राशटरी पध्धर ’ते वी इस माड़ी घटना दा ज़िकर होइआ। इक्क कैनेडा वासी नें तां सोशल मीडीआ ’ते थप्पड़ मरन वाली सुरख्खिआ करमी नूं पंज लख्ख नकद इनाम देण दा ऐलान वी कर मारिआ। दोहां पासिआं तों चंगी-माड़ी भाशा दा वरतिआ जाणा वी कुदरती वरतारा ही सी।

सोशल मीडीआ ’ते दिस रहीआं तसवीरां नें मैनूं पिछली सदी दे अध्ध विच्च लिजा खहड़ा कीता जदों मैं पिंड दे अठ्ठ-दस मुंडिआं नाल संगरूर पहड़न जांदा सी। इक्को ही रसता होण करके सारे मुंडे अग्गे पिछ्छे ही सकूल जांदे-आउंदे सन। कई अणसुखावींआं घटनावां घटदीआं ही रहिंदीआं सन। चंडीगहड़ वाली इस घटना नें मेरे ज़िहन विच्च इक्क दुखदाई याद नूं ताज़ा कर दित्ता। पिंड दे तकड़े जिमींदार दा मुंडा अकसर मेरे नाल बिनां गल्ल तों ही खहिबड़ पैंदा अते धक्का-मुक्की करदा। है तां उह माड़चू जिहा सी पर निडर अते दलेर सी, हुंदा वी किउं नां बापू कोल तकड़ा खताना जु सी। उच्चा समाजिक रुतबा अते चंगी माइक हालत उस नूं ताकत बखश रहे सन। कई वार उस नें मैनूं कुट्टिआ अते उस समें दूसरे मुंडे घुसर मुसर विच्च सुणाई दिंदा, “चंगा होइआ साळा कुट्टता ---।” पंजाब विच्च किसे नूं ‘साळा’ कहि देणा आपणे आप विच्च गाल्ह कढ्ढी मंनिआ जांदा है। अजिही भाशा आम वरतारा सी अते हुण वी असीं गल्ल गल्ल विच्च गाल्ह सुभाविक ही कढ्ढ रहे हां। साडे समाज नूं अजिही बदज़ुबानी कोई अजीब नहीं लगदी।

मार खा के वी मैं घर कोई ज़िकर नां करदा पर घर वालिआं नूं पता लग्ग जांदा कि अज्ज कुछ होइआ ज़रूर है। इक्क दिन इसदा कारन पता लग्ग ही गिआ। पिता जी बहुत ही सवै-अभिमानी इनसान सन। उह मैनूं हल्लाशेरी देण लग्गे कि तूं वी कदे छुड़का दे उहनूं, बाकी मैं देख लउं ...। फिर इक्क दिन पता नहीं मेरे अंदर किहड़ा जिंन आ वड़िआ कि मैं सच्चमुच्च ही उस उत्ते भारू पै गिआ। उस दीआं नासां विच्चों खून वहि तुरिआ। शाम नूं जिमींदार घरे उलामा देण आ धमकिआ। बापू जी दे लफज़ कंनां विच्च आ गूंजे हन, “तैनूं पतै, तेरा मुंडा मेरे मुंडे नूं रोज़ कुट्टदा ती, मैं तां कदे लांभा लै के नहीं आइआ। जे अज्ज तेरा इहने कुट्टता तूं उलामां देण भज्जिआ आइऐं! जाह कर लै जिहड़ा कुछ तैं करनै ...।”

जिमींदार कुझ हैंकड़ जिही दिखाउण लग्गिआ तां बापू जी नें किहा, “औह खहड़ै मेरा मुंडा, हिंमत ऐ तां ला के दिखा हत्थ ...” अते अंदरों फुरती नाल बरछा कढ्ढ लिआइआ। रौला पिआ तां इकठ्ठ नें सुल्हा करा दित्ती। मेरे घसुंन-मुक्की पैणी बंद हो गई।

हुण जदों मैं इस घटना नूं चंडीगहड़ वाली वारदात दे पिछोकड़ दी चानणी विच्च देखदा हां अते इसदा मुलांकण करदा हां तद मेरी समझ कहिंदी है कि इह वरतारा रूहड़ीवादी सोच तों प्रेरित सी। मेरे पैंदी मार असल विच्च दो विचारधारावां विच्च ज़ोर अजमाई सी। उस वेले दे राज-प्रमुख्ख महाराजा यादविंदर सिंघ नें (1955 जां 56) सरकारी प्राइमरी सकूल उभावाल दा उदघाटन कीता सी। उस वेले मैं पंजवीं जमात दा विदिआरथी सी। जवान होण ’ते बापू जी तों पता चल्लिआ कि समारोह दौरान पिंड दे जिमीदारां नाल गल्लबात करदे समें महाराजा नें किहा सी, “जेकर पिंड दसवीं दा सकूल बणा दित्ता तां कंमीआं दे जुआक पहड़ जाणगे, फिर थोडे डंगर कौण चारूगा।” हो सकदा है उनहां नें महाराजे दे शबदां दा इशारा इंझ समझिआ होवे कि मैं तां बेवस्स हां किउंकि नवीं विचारधारा तहित सभ जातां नूं बराबरी दे हक्क देण दी कोशिश विच्च सरकारी तंतर अखौती नीवींआं जातां दे बच्चिआं नूं वी विद्दिआ देण लई पूरा ज़ोर ला रिहा है पर तुसीं इनहां दी मार-कुट्ट करके सकूल ही नां जाण दिओ। मचला विअकती कुझ वी कर सकदा है। महाराजा भावें नवीं विचारधार अधीन उदघाटन सरकारी सकूल दा कर रहे सन पर प्रचार मंनूवादी विचारधारा दा कर रहे सन। रूहड़ीवादी समाज तां पहिलां ही मंनू (Manu) दे दिखाए रसते ’ते चल्ल रिहा सी। उह समझदे सन कि सानूं तां विद्दिआ दा अधिकार ही नहीं है। महाराजे नें भोले भाले लोकां दे मनां विच्च इस विचारधारा दी चिणग नूं हवा दे दित्ती सी। जट्ट जिमींदार सोचण लग्ग गए होणगे कि असीं कंमीआं दे निआणिआं नूं पहड़न ही नां देईए। कम-अकल नूं कोई वी किसे वेले उकसा सकदा सी है।

हुण हवाई अड्डे ’ते थप्पड़ पैण दी पिठ्ठ-भूमी वल्ल झाती मारदे हां। बहादरगहड़ जंडीआं पिंड दी इक्क बिरध औरत महिंदर कौर नें 2020 विच्च होए किसान अंदोलन विच्च हिस्सा लिआ सी। चेते रहे कि किसान अंदोलन दे संदरभ विच्च ‘टाईम मैगज़ीन’ नें महिंदर कौर अते बिलकिस बानो दी तसवीर छापी सी। शाइद इस फिलमी कलाकार दा प्रतीकरम इनहां तसवीरां नूं देख के ही होइआ होवे। फिलमी कलाकार (अते हुण चुणी होई मैंबर लोक सभा) नें इसे बिरध नूं सोशल मीडीआ ’ते निशाना बणा के किहा सी कि बज़ुरग औरतां सौ-सौ रुपए लै के अंदोलन विच्च आउण वालीआं औरतां हन। इत्थे इह दस्सणा कुथां नहीं होवेगा कि थप्पड़ मारन वाली सुरख्खिआ करमी दी मां वीर कौर वी किसान मोरचे विच्च शामल रही है। फिलमी कलाकार वल्लों बोले अजिहे शबद ज़रूर ही किसान अंदोलन विच्च हिस्सा लैण वालीआं औरतां अते उनहां दे परिवारां दे दिलो-दिमाग ते उक्करे गए रहे होणगे। किसे नूं नीचा दिखाउण लई वरते गए अपशबद उस दी ग़ैरत नूं ललकार हुंदे हन। इनहां दा प्रभाव डूंघा अते दूरगामी हुंदा है। जापदा है कि फिलमी अदाकार दा मनशा वी इक्क खास विचारधारा तों प्रेरित सी किउंकि उस दा सिआसत विच्च आउणा लगभग तैअ ही सी। किसान अंदोलन इक्क सिआसी मसला सी इस लई कहे गए शबदां नूं इक्क विचारधारक संदरभ विच्च कहे गए मंनिआ जा सकदा है।

थप्पड़ कांड तों मगरों महिंदर कौर नें किहा, “कंगनां नूं बोलण दी तहिज़ीब नहीं है अते उस विच्च चंगे संसकारां दी कमी है। उस दी बदज़ुबानी दी सज़ा ही उस नूं मिली है अते उनहां दा परिवार पूरी तरहां नाल कुलविंदर कौर दे नाल खहड़ा है। उस दे इनसाफ़ लई उह हर कुरबानी करन नूं तिआर हन।

दूसरे पासे कुलविंदर कौर दी मां वीर कौर नें आपणी धी नूं संसकारी दस्सिआ। समूहिक तौर ’ते किसान जथेबंदीआं दा थप्पड़ मारन वाली दा पख्ख लैणा कुदरती है। संयुकत किसान मोरचा (ग़ैर सिआसी) नें थप्पड़ पैण वाले दिन ही ऐलान कर दित्ता कि उह कुलविंदर कौर दी हिमाइत करदे हन अते 9 जून नूं मुहाली विच्च इनसाफ़ मारच करनगे। इसे ही दिन दे अखबार मुताबिक बीकेयू (कादीआं) अते दशमेश किसान मज़दूर यूनीअन नें कंगणा रणौत ’ते केस दरज करन दी मंग रख्ख दित्ती। 10 जून 2024 दे पंजाबी ट्रिबिऊन मुताबिक कामागाटामारू कमेटी दी लुधिआणा इकाई नें कंगणा रणौत वल्लों पंजाब अते किसान विरोधी माड़ी शबदावली वरतण दी नखेधी कीती अते कुलविंदर कौर वल्लों पंजाबी अते किसानी अणख ते ग़ैरत दे प्रगटावे दी शलाघा कीती। उनहां वी कंगना खिलाफ भड़काऊ बिआनबाज़ी लई केस दरज करन दी मंग कीती। कंगना दे हक्क विच्च वी सोशल मीडीआ ’ते पोसटां पाईआं गईआं। इस सारे कुझ तों मैनूं उह द्रिश याद आ गिआ जदों बापू जी दे हिमाइती इक्क पासे गरीब मज़दूर सन अते दूसरे पासे जट्ट-जिमींदारां दा जमघटा सी। असल विच्च दो विचारधारावां आहमो साहमणे आ खहड़ीआं सन।

कईआं नें कुलविंदर कौर नूं डिऊटी ’ते जज़बात नूं काबू विच्च रख्खण दी सलाह वी दित्ती है। डिऊटी अते जज़बात बारे बड़ा कुझ किहा जा सकदा है। सवाल इह है कि की सरकारी डिऊटी करदा विअकती भावनावां रहित हुंदा है जां हो सकदा है? की भावनावां सिरफ अमीरां, सिआसी आगूआं, फिलमी अदाकारां, धारमिक-रहिबरां, उदयोगपतीआं, जगीरदारां, उच्च-जातीआं आदि दीआं ही हुंदीआं हन? की इनहां नूं पूरा हक्क है कि उह आपणीआं चंगीआं-मंदीआं भावनावां नूं किते वी अते कदे वी बे-काबू कर सकदे हन? की आपणे मन दी गल्ल करन दा हक्क सिरफ इनहां कोल ही गिरवी है? अते होर बड़ा कुझ किहा जा सकदा है।

कोई तीह कु साल पहिलां दा वाकिआ है कि डिऊटी समें मैनूं इक्क सिआसी पिआदे दा फोन आइआ। मैं फलां फलां बोलदा हां मेरा कंम कर देणा। मैं दफतर आ के मिलण दी सलाह दे के फोन रख्ख दित्ता। मेरे इंना ही कहिण ’ते साहिब दीआं भावनावां भड़क गईआं। वीह कु बंदे लिआ के, चपड़ासी नूं धक्के मार उसने गरीब अफसर नूं आ घेरा पाइआ। हुण इह विचारा अफसर की करदा? आपणे अहुदे दी लाज रख्खदा जां उस बंदे अग्गे गोडे टेक दिंदा? आपणे जज़बात काबू करदा जां उस नूं बोलण दी तहिज़ीब सिखाउंदा? आपणे सवै-माण नूं दाअ ते लाउंदा अते बेइज़्ज़त हुंदा? कानूंन मुताबिक कंम करदा जां उस धाड़वी दे कहिण ’ते गैर-कानूंनी कंम करदा? हर रोज़ लख्खां ही सरकारी, गैर-सरकारी करमचारी, अफ़सर अजिही दुचित्ती दा साहमणा करदे हन। उनहां दा प्रतीकरम उनहां दे विचारधारक द्रिशटीकोण ’ते निरभर करदा है। आपणा मानसिक संतुलन काइम करके मैं अफसरी लहिज़े विच्च उस नूं आपणा दफतर खाली कर के दो बंदिआं नाल अंदर आउण दा फरमान सुणा दित्ता। अजिहा नां करन दी सूरत विच्च उस नूं पुलीस हवाले करन दा इरादा वी ज़हिर कर दित्ता। उस नें सिआणप वरती। फिर शबदी बहिस शुरू हो गई अते अंत नूं मैनूं कहिणा पिआ, “नेता जी! जदों पबलिक विच्च भाशणबाज़ी करदे हो तां कहिंदे हो कि अफसर बेईमान हन, कानूंन मुताबिक कंम नहीं करदे, असीं की करीए? तुसीं मैनूं शरेआम फोन ’ते कहि रहे हो मेरा कंम करो, घेर के डरा धमकाअ वी रहे हो जदों कि मेरा अफसर कानूंन मुताबिक सही है।”

कानूंन दे दाइरे विच्च रहि के मैं उस विअकती नूं आरज़ी-राहत दे सकदा सी अते वकत दी नज़ाकत देखदे होए दे वी दित्ती।

इसे रोशनी विच्च देखीए तां सरकारी डिऊटी करदी महिला तां आरज़ी राहत वी नहीं दे सकदी सी पर सिआसी ताकत चाहुंदी सी कि उस नूं कोई सवाल ही नां कीता जावे। मेरे साहमणे आए भद्दरपुरश नाल मेरी कोई निज्जी रंजिश नहीं सी पर सुरख्खिआ करमी साहमणे इक्क विचारधारा दी प्रतीक मूरती आ खहड़ी होई जिस नें उस दी

मां समेत होर औरतां नूं ज़लील करना चाहिआ सी। नैतिकता मंग करदी सी कि उह जज़बात काबू विच्च रख्खदी पर अजिहा शाइद इस लई नां हो सकिआ कि उस कोल किसे नूं वी सरीरिक तौर ’ते छूहण दा हक्क वी सी। नैतिकता सिआसी आगू तों वी उही मंग करदी सी कि उह वी आपणे जज़बात नूं काबू विच्च रख्ख के विवहार करदी। ख़ैर दो विचारधारावां दे टकराअ विच्च जो कुदरती तौर ’ते घटणा सी, उह सपशट रूप लै चुक्का सी। उंझ अज्ज नैतिकता दी गल्ल करनी सोभा नहीं दिंदी किउंकि पूंजीवादी निज़ाम ही नहीं बलकि किसे वी निज़ाम विच्च नैतिकता सिरफ आम जनता लई ही रहि जांदी है।

पूरन सिंघ रचित किताब ‘सुंदरता अते आनंद’ विचले लेख ‘नाच’ सफ़ा 108-09 दा हवाला दिंदा हां; “बरतानवी फिलासफर बरटरैंड रस्सल (1872-1970) नैतिकता नूं बेलोड़ी ही नहीं सगों दुखदाई वी कहिण लग्ग पिआ सी। उस दा खिआल सी कि मशीनी सभ्भिअता नूं सरकारी नैतिकता जां कानूंन दी लोड़ तां है पर विअकतीगत नैतिकता दी लोड़ नहीं है।

रस्सल तों सौ साल पहिलां दे अमरीकी विचारवान वैबलिन दा खिआल सी- “नैतिकता दा सतिकार करन वाला भला पुरश इस संघरश भरपूर जीवन विच्च इक्क बेलोड़ी चीज़ है।”

अमरीका अते इंगलैंड विच्च मशीनी युग तकरीबन दो सौ साल पहिलां शुरू हो चुक्का है। साडे देश विच्च तां हाले मशीनी युग जंमिआ ही है। हवाई अड्डे ’ते दो विचारधारवां आहमो-साहमणे आ खहड़ीआं सन। थप्पड़ मारन वाली महिला अते जिस महिला दे थप्पड़ वज्जिआ, इनहां विचारधारावां दे वजूद दीआं प्रतीक हन। इह तां वकत ही दस्सेगा कि इस थप्पड़ दी गूंज मेरे पिंड, समाज, देश अते प्रदेश विच्च कदों तक गूंजदी रहेगी अते इस गूंज दे साडे निज्जी अते समाजिक जीवन ’ते की प्रभाव होणगे।

*  *  *  *  *